1煲多用

之前一直用開超過15年的真空煲及超過6年的壓力鍋，分別在月頭及上星期六圓寂。

一心諗住要大出血買過新，但朋友介紹呢個慢燉鍋，一手包辦晒所有湯水/糖水/燉湯，外型嬌小但容量大，一煲可取代真空、壓力、燉盅，真係慳左唔少位同錢。

其實我家用量算偏高，週末燉雞，平日就有老火湯或滾湯，而間中晚上臨瞓前會煲去濕湯（走肉當水飲）。

我承認我媽真係照顧得的我地好好，湯水足到就算我地兩姊妹捱夜，仍然面色紅潤，就算身體機能透支，但個樣仲呃到人囉，點都唔似03瞓07出門。

呢部係偉大既淘x買，其實偉大既淘x有好多好野，只係你有無發掘到出嚟。